MANJAHA BUKU

Manjaha buku
Manjaha buku

MANJAHA BUKU

Di Ari 17 Mei na salpu digoari “Hari Buku Nasional”. Nasa manisia di portibion diharingkothon do manjaha buku.

Presiden Joko Widodo hea mandok: “Menjalani hari-hari di tengah pandemi covid-19 ini, kita semua hidup dalam keterbatasan. Saat-saat seperti inilah kita lebih punya waktu membaca buku, baik buku fisik maupun buku digital,” ninna presiden di akun Twitter dohot Instagram. Songoni do nang presiden parjolo Soekarno, na godang manjaha buku.

“Seluruh waktuku kuisi dengan membaca buku. Dengan membaca buku, aku membaca buah pikiran orang- orang besar yang menjadi buah pikiranku (Cindy Adams, Bung Karno Penyambung lidah Rakyat Indonesia, 2007).

Suang songoni do nang Bung Hatta, presiden BJ Habibie, presiden Abdurrahman Wahid, dohot presiden Susilo Bambang Yudhoyono. Kenikmatan mereguk kebebasan lewat buku itulah yang dikecap para pemimpin negara di sela padatnya tugas kenegaraan (Kompas 12/9/21).

Ganup jumpa tingkina bulan April, mansai bahat do na marningot si Kartini na mambahen perubahan di wahana Parompuan di Indonesia. Bayangkan hamu ma ale amang/ inang. Nunga 143 taon na salpu.

Kartini ima sada halak na bisuk. Pamingkirionna taringot tu hasisingkop dohot kebahagiaan ni halak na asing. Pamingkirion on sahat tu tingkion, ra tu tingki na mangihut saleleng mangolu sahat tu sude generasi.

Agnes Louise Symmers, panurat buku Letters of a Javanese Princess (1921) versi bahasa Inggris dari Door Duisternis tot Licht, mamuji surat-surat na digurit Raden Ajeng Kartini, hira pamingkirion na modern gadis Timur, na magodang di lingkungan budaya tradisional kuno.

Tona ni si Kartini mansai nalnal do patotahon tu bangsona. Marhite dukungan ni Abendanon pencinta Kartini Sian Den Haag, Bolanda hira penghormatan tu si Kartini dipajongjong ma Sikola Kartini. Parjolo mai di Batavia (1907). Dungi mangararat mai tu Malang, Bogor, Cirebon dohot Surabaya.

Bahasa, literasi dohot pendidikan

Di mulanai Kartini berkesempatan do mandapot pendidikan secara Bolanda jala mambahen ibana mangarajumi pamingkirion Barat. Haboion marpingkir secara kritis berkembang marsigorgor dung dibereng ibana kenyataan, mambaen ibana marpingkir tu na diampuna hasil pendidikan ni keluarga Jawa ningrat. Literasi ima parbinotoan taringot tu sastera. Ditingki i nang tu tingki nuaeng on, mansai ringkot do manjaha buku. *Buku adalah instrumen yang membentuk peradaban sebelum ada era digital*.

Alani penguasaan on ma mambahen haboionna berkembang literasi na lam bidang jala bagas. Haboion na literasi haboionna mamangke bahasa dohot marpingkir (Trianto & Heryani, 2021).

Haboion si songon on mansai godang dipangke ibana tingki marsiajar laho pabagashon parbinotoan di godang hal. Kecerdasan/bisuk ni sahalak jolma lam humembang dohot denggan alani haboion pamangkeon literasi. Taringot tuson mansai tangkas do disadari ibana. Alani ido naeng pahebahebaonna haboion literasi.

Bahasa do dasor ni literasi. Haboion mamangke bahasa pe ringkot, mangondolhon porlu situtu dasor bahasa na tasak laho pabidanghon dohot pabagashon haboion literasi.

Ibu/manang ina ni dakdanak do parjolo sahali berkomunikasi di abingan, huhut simalolongna tonggor dohot hata manang ende na haruar sian pamangan ini inana. Marhite soara, panghataion ni inanta na songon na dialog dohot siunsok/sibutet. Somalna posoposo mintor direspon do dohot tatasuping manang mengkel. Dung tarjadi songon on, sel-sel utohutok ni posoposo pe berkembang dimpos.

Literasi na paling dini tarjadi di tingki soara ni bahasa na manghuling dibege posoposo jala berpengaruh tu perkembangan kognitif dakdanak i (Jaha ma Trianto dohot Heryani, 2021).

Haboion literasi dakdanak dohot perkembangan kognitif di masa pertumbuhan. Peranan ni Ina mansai godang do dison laho pabidanghon dohot pabagashon haboion ni literasi ni sada bangso. Adong do hasomalan na nalnal di Finlandia, na mambahen lingkungan na gok literasi di jabu. Andorang so singkola dope dakdanak di Finlandia nunga dipasomalsomal dakdanak asa jonok tu literasi jala ringgas manjaha buku-buku.

Songon na masa di literasi Estonia. Ganup Ina naposo dilean paket merawat posoposo marhite buku posoposo.

Di Estonia buku cerita tu angka dakdanak ingkon jahahononhon do andorang so modom. Ganup ari minimal dua hali saminggu tu angka anakhonnya. Manjahahon buku turiturian tu angka dakdanak. Andul dumenggan do on sian naso diulahon sisongoni tu angka dakdanak. Paling otik sahali dibagasan saminggu marcerita andorang so modom.

Marhite Kemenko Pembangunan Manusia dan Kebudayaan nunga manusun Peta Jalan Pembudayaan Literasi (PJPL) mangondolhon pembinaan literasi di ganup keluarga dimulai dakdanak andorang di abingan ni inana tingki marumur andorang so sataon.

Antong ale angka dongan panjaha. Ingkon biasahononhon do na manjaha buku. Gabe dibereng ianakhon. Asa somal. Taharinghothon ma tu angka ianakhonta laho pasomalsomalhon nasida laho manjaha buku. Ai ringkot do i hasomalan on gabe bohal di ari na naeng ro di masa depan nasida.

(Hotma DL Tobing, Tangerang)

 

IKLAN

BUKU KERJA KERJA KERJA MAU

Be the first to comment

Leave a Reply

Alamat email Anda tidak akan dipublikasikan.


*


Situs ini menggunakan Akismet untuk mengurangi spam. Pelajari bagaimana data komentar Anda diproses.