Nunga opat bulan ndang hea be marminggu di gareja. Jadi Minggu (5/7/) dipatupa do parmingguan sadari i diulahon di bagas joro.
Dung tadalani parmingguan di bagasta be siala pangalaho Stay at Home mangadopi hamaolan penyebaran virus Covid-19 naso marhaujungan dope sahat ro di tingki on.
Hombar tu hatontuan ni protokol kesehatan na diaturhon ni pamarenta tung tarbatas situtu do torop ni hita na boi mandohoti ganup ombas parmingguan.
Alani i dipatupa do pelayanan parmingguan di HKBP Perumnas Tangerang sadari i opat hali parmingguon ima : pukul 06.00, pukul 10. 00, pukul 15.00 dohot pukul 19.00.
Lasadarion dipatupa (pukul 10.00 arian) paborhathon pensiun Pdt Esra E Pangaribuan naniuluhon ni Praeses Distrik XXI Banten, Pdt Deonal Sinaga, hombar tu Aturan dohot Paraturan HKBP naung boho umur nasida 65 taon (19 April 1995- 19 April 2020 dohot Surat Keputusan Pensiun Ephorus HKBP tertanggal 16 Maret 2020 No.298/L08/BP.A/ PenPdt/II/2020.
Pdt Esra Pangaribuan tubu: 19 April 1955 di Kisaran. Pendeta Praktek di HKBP Paindoan, Balige 1979. HKBP Pekanbaru 1980-1981. Sian i melayani di pigapiga inganan di Sumatra dohot Jawa.
Tugas di gareja Gemeinde Schnellenbach Ruenderoth, Jerman mulai 1994-2000. Tu Kantor Pusat. Dosen di Fakultas Psikologi Universitas HKBP Nommensen Medan, 2001-2013. HKBP California, Amerika Serikat mulai 2014-2017. HKBP Perumnas Tangerang mulai 2017 sahat tu na pensiun.
Diacara ramah tamah na sederhana dipatupa do mangan arian. Jala mamparrohahon protokol kesehatan.
Mandok hata secara terbatas mewakili ruas dipasahat M.Tambunan. Mewakili Dewan/Seksi/Punguan/Panitia/mewakili parhalado dipasahat Parartaon Huria.
Bimbingan/arahan sian Praeses Pdt Deonal Sinaga. Mauliate ma mardalan do denggan jala hatop sidung so pola sude masijalangan. (St Hotma D.L.Tobing)
Be the first to comment